Raportuesja për Kosovën në Parlamentin Evropian, Viola von Cramon, ka thënë se nuk ka asnjë arsye që liberalizimi i vizave për qytetarët e Kosovës të mos ndodhë menjëherë.

Kështu u deklarua ajo pas raportimit se është arritur kompromisi për vizat, i cili do të hyjë në fuqi më 1 nëntor 2023.

“Epo, pse vetëm nëntor 2023? Nuk ka asnjë arsye që të mos jepet menjëherë liberalizimi i vizave për qytetarët e Kosovës”, ka shkruar ajo në Twitter.