Kandidatja e LDK-së

Vjosa Osmani jep preferencat për koalicione, thotë se PDK-ja do t’i ketë vetëm 10%!

Kandidatja për kryeministre nga LDK-ja, Vjosa Osmani ka folur edh për koalicionet e mundshme pas zgjedhore që mund të bëj LDK-ja.

Osmani në RTV Dukagjini ka thënë se partneriteti pas zgjedhor me Vetëvendosjen mund të dështojë vetëm nëse këta të fundit sjellin një situatë të tillë sepse LDK ka vendosur “pro” këtij koalicioni në Këshillin e Përgjithshëm.

“Nëse Vetëvendosje nuk dëshiron partneritetin me ne do të shikojmë ndonjë opsion tjetër, por në asnjë mënyrë ky partneritet nuk do të jetë me PDK-në”, tha ajo.

Kandidatja për kryeministre nga LDK-ja ka thënë se pret që Vetëvendosje të ketë besim te ajo, ndërsa ka lanë të hapur mundësinë për bashkëpunim me koalicionet AAK-PSD dhe NISMA-AKR-PD.

Osmani ka bërë edhe parashikimet e saja për përqindjet që mund të merr secila parti në këto zgjedhje.

Ajo parashikon që LDK mund të shkojë në kuotën e 35% të votave të fituara, Vetëvendosje 20%, AAK-PSD sipas saj do të marrin 14% të votave, PDK 10% ndërsa sipas saj koalicioni NISMA-AKR-PSD do të marrin 7%.

loading…