Arkitekti i njohur

Visar Geci, kandidat për kryetar të Prishtinës e ‘detyron’ hotelin malazez ta vendos flamurin e Kosovës

Arkitekti i njohur kosovar, Visar Geci i cili përflitet si kandidat i mundshëm për kryetar të Prishtinës në zgjedhjet e ardhshme, gjatë qëndrimit në një hotel në Podgoricë bashkë me miqtë e tij, e ka bërë një gjest patriotik për Kosovën.

Derisa kanë hyrë në hotelin Verde në kryeqytetin malazez, Visari dhe miqtë e tij e kanë vërejtur se në hollin e atij hoteli mungonte vetëm flamuri kosovar.

Dhe për këtë, ai i ka shkruar hotelit në llogarinë e tij Facebook duke mos e rekomanduar që të vizitohet e më pas e ka shprehur indinjatën e tij se pse mungon flamuri ynë, shkruan Ballkani.info.

“Ne jemi të zhgënjyer që në hotelin tuaj mungon flamuri i Republikës së Kosovës përkrah të gjithë flamujve që janë ekspozuar në holl. Si mysafir nga ky shtet që ju e keni njohur zyrtarisht dhe për çka ne jemi shumë falemnderues, ne do të donim që si shenjë respekti dhe vlerësimi ai të ishte aty”, ka shkruar Geci.

Këtij reagimi i është përgjigjur menjëherë hoteli Verde Complex.

“I nderuar zotëri, Neve na vije keq që ju po ndjeheni kështu, kjo nuk është mënyra ynë e mikpritjes. Nuk ka asnjë arsye politike apo arsye tjetër nga ana jonë. Ne anagazhohemi fuqishëm që mysafirët tonë të ndjehen të mirëseardhur. Ne e kemi pas këtë flamur në recepcionin tonë, por fatkeqësisht është vjedhur. Ne e kemi porositur tashmë një të ri dhe shumë shpejt do të vendoset”, është përgjigjur hoteli. /Ballkani.info/