VIDEO

VIDEO| Ukraina pretendon se Rusia ka hedhur bomba fosfor në ishullin e gjarpërinjve

Ushtria e Ukrainës ka akuzuar Rusinë për kryerjen e sulmeve duke përdorur bomba me fosfor në ishullin e gjarpërinjve, vetëm një ditë pasi Moska tërhoqi forcat e saj nga ishulli në Detin e Zi shkruan Al Jazeera.

Dy lloje avionësh luftarakë rusë Su-30 që lëshonin bomba fosfori  fluturuan mbi ishull nga Gadishulli i Krimesë i kontrolluar nga Rusia, tha të premten komandanti i përgjithshëm i ushtrisë ukrainase, Valeriy Zaluzhnyi.

“Sot rreth orës 18:00 … avionët e forcave ajrore ruse Su-30 kryen dy herë sulme me bomba fosfori në ishullin Zmiinyi”, tha ushtria ukrainase në një deklaratë, duke përdorur një emër tjetër për ishullin e gjarpërinjve.

Ministria ruse e mbrojtjes e përshkroi tërheqjen e saj nga ishulli të enjten si “një gjest vullneti të mirë” që synon të demonstrojë se Moska nuk do të ndërhyjë në përpjekjet e OKB-së për të organizuar eksportet e mbrojtura të grurit nga portet ukrainase në Detin e Zi.

Ushtria ukrainase të premten akuzoi Rusinë se nuk ishte në gjendje të “respektonte as deklaratat e veta”.

Pamjet video që shoqëronin deklaratën ukrainase treguan se një avion lëshoi ​​municione të paktën dy herë në ishull, dhe ato që dukej të ishin vija të bardha që ngriheshin mbi të.