Vetura godet për vdekje një motoçiklistë 19-vjeçar në Veternik
Një 19-vjeçar ka vdekur si pasojë e një aksidenti mes një veture dhe një motoçiklete në Veternik.
Rastin për Ballkani.info e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Mbrëmë rreth orës 23:45, është pranuar informata për një aksident trafiku rrugor të ndodhur në rrugën magjistrale Prishtinë-Gjilan, respektivisht në Veternik afër lagjes 038. Në aksident janë përfshirë një veturë dhe një motoçikletë”, tha ai.
Ai tha më tej se si pasojë e aksidentit ngasësi i motoçikletës, mashkull, 19 vjeç, ka humbur jetën.
“Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, tha Borovci./Ballkani.info