Vetëvendosje ushtron kallëzim penal ndaj Haxhi Hotit të Nismës për kërcënim ndaj Kurtit
Pas kërcënimeve me vrasje ndaj kreut të Vetëvendosjes, Albin Kurti nga kandidati për deputet në radhët e Nismës, Haxhi Hoti ka reaguar edhe Lëvizja Vetëvendosje, e cila ka dorëzuar kallëzim penal.
Vetëvendosje thotë se gjuha e krimit nuk ka vend në politikë.
“Pasi u sinjalizuam nga mediat për një kërcënim brutal drejtuar kryetarit të Lëvizjes, Albin Kurtit, përfaqësuesi i zyrës ligjore të Lëvizjes, Berat Ganiqi, dorëzoi një kallëzim penal në stacionin policor “Qendër”, në Prishtinë”, thuhet në postimin e VV-së në Facebook.
Pas kërcënimeve me vrasje ndaj kreut të Vetëvendosjes, Albin Kurti nga kandidati për deputet në radhët e Nismës, Haxhi Hoti ka reaguar edhe Lëvizja Vetëvendosje, e cila ka dorëzuar kallëzim penal.
Vetëvendosje thotë se gjuha e krimit nuk ka vend në politikë.
“Pasi u sinjalizuam nga mediat për një kërcënim brutal drejtuar kryetarit të Lëvizjes, Albin Kurtit, përfaqësuesi i zyrës ligjore të Lëvizjes, Berat Ganiqi, dorëzoi një kallëzim penal në stacionin policor “Qendër”, në Prishtinë”, thuhet në postimin e VV-së në Facebook.
Tutje Vetëvendosje ka shtuar se nuk e dinë nëse ai ishte i porositur apo është nxitur nga kultura e urrejtjes ndaj Lëvizjes.
“Ne nuk e dimë nëse ai kërcënim ka qenë i porositur, gjakftohtë, apo i nxitur nga kultura e urrejtjes së Lëvizjes, e cila është kultivuar për vite me radhë nga subjektet e pushtetit, që janë pasuruar paligjshëm duke varfëruar Kosovën. Këto gjëra duhet t’i zbulojë policia e prokuroria. Megjithatë, rasti ka rrethana rënduese, për shkak se kërcënuesi është pjesë e listës së kandidatëve për Kuvendin e Republikës, nga një parti e koalicionit PAN, të shquar për keqqeverisje e kapje të shtetit. Përveç subjektit të vet partiak, nga postimet e tij publike në rrjete sociale kuptohet se kërcënuesi është edhe adhurues i madh i presidentit të Republikës”, thuhet në postim.
Këtë fenomen Vetëvendosje thotë se synon ta luftojë.
“Shpesh e shohim fenomenin e përzierjes së elementëve me prirje të dhunshme e kriminale me elitat politike, ligjvënëse e ekzekutive. Pikërisht këtë fenomen synon ta luftojë Lëvizja Vetëvendosje. Populli i Kosovës nuk dëshiron që kriminelët të jenë në pozita pushteti. I vlerësojmë faktorët publikë e politikë, si edhe qytetarët që distancohen dhe dënojnë pa ekuivok dhe pa relativizim këtë sjellje të papranueshme. Presim nga policia e prokuroria të veprojnë sipas ligjit. Kosova e ka vetëm një rrugë përpara, atë të ligjit e të zhvillimit, në luftë pa kompromis kundër krimit, pabarazisë dhe injorancës”, thotë VV.
