Veseli mysafir te SHPK Nazi, e ngucin për lidhjet e tij me CIA-n (Video)

Kandidati i PDK-së për Kryeministër, Kadri Veseli, ka qenë pjesë e episodit më të ri të serialit vendor shumë të ndjekur nga të rinjtë “SHPK Nazi”.

Veseli përfshihet në bashkëbisedën e Nazit me punëtorët e tij, duke folur nga prapaskena, por zëri i tij iu tingëllon i njohur atyre.

Pasi e dëgjon zërin e Veselit, Nazi thotë se iu duk si zëri i Lulit të UÇK-së, i cili i ishte i lidhur me CIA-n dhe NATO-n, si dhe i porosiste aeroplanët e tyre në luftë se ku duhej të godisnin.

“Më shpejt vinin aeroplanët atëherë, se picat delivery sot”, thotë Nazi.

Më pas, Veseli ia tërheq vërejtjen Nazit dhe punëtorëve të tij se po i fshehin produktet vendore dhe nuk po i ekspozojnë mirë.

Videon e ka postuar vetë Veseli në faqen e tij, ku bëhet edhe autokritik duke thënë se herën tjetër shpreson ta mbaj mend më mirë skenarin dhe të mos ketë emocione.

“Dje dola për pazar te shitorja e Nazit. Shpresoj që ai t’i lërë dallaveret dhe kur të shkoj sërish aty të shoh më shumë produkte vendore. Po ashtu, shpresoj që herën tjetër edhe unë do ta mbaj mend më mirë skenarin dhe të kem më pak emocione! :)”, ka shkruar Veseli.

VIDEO:

Si mysafir i Shpk. Nazit

Dje dola për pazar te shitorja e Nazit. Shpresoj që ai t’i lërë dallaveret dhe kur të shkoj sërish aty të shoh më shumë produkte vendore. Po ashtu, shpresoj që herën tjetër edhe unë do ta mbaj mend më mirë skenarin dhe të kem më pak emocione. 😃🤟

Posted by Kadri Veseli on Sunday, September 29, 2019