Vela: Shefi i UNMIK-ut qëllimisht s’po i përfshin faktet në terren për aksionin e policisë
Shefi i Stafit të presidentes Vjosa Osmani, Blerim Vela ka kritikuar fjalimin e Shefit të UNMIK-ut, Zahir Tanin mbi aksionin e policisë në veri të Kosovës. Vela ka shkruar se Tanin qëllimisht nuk i përfshin faktet në terren.
Ai tha se injorimi i veprimeve të dhunshme të strukturave ilegale të Serbisë në veri nga ana e Tanin, vetëm sa i inkurajon ato që të konfrontojnë policinë.
“Përfaqësuesi Special i Sekretarit të Përgjithshëm të OKB-së, Zahir Tanin me qëllim nuk i përfshin faktet në terren. Duke injoruar veprimet e dhunshme të strukturave ilegale të Serbisë në veri të Kosovës, vetëm sa do t’i inkurajojë strukturat e tilla për të konfrontuar forcat e rendit dhe ligjit që punojnë për vendosjen e ligjit. Kjo është humbje e fondeve të anëtarëve të Kombeve të Bashkuara”, ka shkruar Vela.
SRSG Tanin of @UNMIKosovo on purpose omits the facts on the ground. Ignoring #Serbia’s illegal structures violent actions in north#Kosovo will only embolden such structures to confront law enforcement agencies that work on ensuring rule of law. Such a waste of UN members’ funds!
— Blerim Vela (@Blerim_Vela) October 15, 2021