Vdes një e moshuar nga Gjakova, testohet pas vdekjes dhe rezultoi e infektuar me koronavirus!
Një 80-vjecare nga Gjakova, e infektuar me koronavirus, ka vdekur sot në Qendrën e Mjekësisë Sportive.
Lajmin e ka konfirmuar Drejtori për Shëndetësi në Gjakovë, Ferdinand Kolaj.
Kolaj tha se gruaja kishte probleme të tjera shëndetësore, por pas vdekjes është testuar dhe ka rezultuar pozitiv me COVID-19.
Ndryshe, sot ka vdekur edhe një i moshuar nga Podujeva. Lajmin e ka bërë të ditu Ushtruesi i detyrës së Kryetarit të Komunës së Podujevës, Nexhmi Rudari.
Përmes një postimi në llogarinë e tij në Facebook, Rudari ka bërë me dije se viktima është nga fshati Llaushë, derisa u ka shprehur ngushëllime familjes dhe miqve.
