Vdes 5-vjeçarja e infektuar me COVID-19
Një vajzë 5-vjeçare me COVID-19 vdiq në spitalin në Vipiteno, në Tirolin e Jugut të Italisë. Vajza e vogël vuante nga patologji shumë serioze dhe kishte qenë nën trajtim për ca kohë.
Sipas portalit të lajmeve “Stol.it”, gjendja e saj u përkeqësua të mërkurën dhe vajza u shtrua në spital, ku vdiq të enjten.
Vajza është një nga tetë viktimat e virusit të regjistruara në orët e fundit në Tirolin e Jugut. Numri i përgjithshëm i vdekjeve nga COVID-19 rritet kështu në 128.
Të enjten, 45 raste të reja u shtuan, duke rritur numrin e njerëzve të infektuar në 1,443.
