Vazhdojnë demantet ndaj Vuçiqit, Kosova dhe Eswatini flasin për përforcim marrëdhëniesh
Ambasadori i Kosovës në Britaninë e Madhe, Ilir Kapiti, është takuar me Komisioneren e Lartë, Thandazile P. Mbuyisa, në Ambasadën e Eswatinit në Londër, ku kanë folur për përforcim marrëdhëniesh.
Takimin e ka bërë të ditur Kapiti me anë të një postimi në llogarinë zyrtare të tij në ‘Twitter’, duke thënë se po synohet përforcimi i marrëdhënieve dhe hapja e rrugëve të reja ekonomike, shkruan Demokracia.com.
“Sot realizova një vizitë me Komisioneren e Lartë, znj. Thandazile P. Mbuyisa, në Ambasadën e Mbretërisë së Eswatinit, në Londër. Ishte kënaqësi që trajtuam ngjarjet aktuale globale dhe mezi po presim të forcojmë marrëdhëniet tona dhe të eksplorojmë mundësi të reja ekonomike”, deklaroi Kapiti.
Mbretëria e Eswatinit ishte një ndër shtetet e përmendura ku presidenti serb, Aleksandër Vuçiq, pretendoi se e kanë çnjohur Kosovën.
Today I paid a visit to H.E. High Commissioner Ms Thandazile P. Mbuyisa at the Embassy of the Kingdom of Eswatini, in London.
— Ilir Kapiti (@IlirKapiti) January 12, 2023
It was a pleasure to tackle current global events and we are looking forward to strengthening our relations 🇸🇿&🇽🇰 by exploring economic opportunities. pic.twitter.com/awscJjsWJb