VIDEO
Valle në shtëpinë e llapjanit që ia bëri shtatoren Kurtit, plasin talljet me të në rrjetet sociale
Në fshatin Peran të Komunë së Podujevës gjatë ditës së mërkurë është bërë zbulimi i përmendores së Kryeministrit të Kosovës, Albin Kurti.
Pas përurimit fshatarët që ishin mbledhur aty, ia morën valles me rastin e kësaj përmendore që prej sot ka zënë vend në fshatin e tyre, në dyert e oborrit të një mërgimtari që jeton në Spanjë.
Analisti politik Imer Mushkolaj ka publikuar një video të fshatarëve duke vallëzuar.
“Ngjarje emocionuese, historike. Në Peran zbulohet shtatorja e Albin Kurtit. Urime Peran, urime Podujevë, urime Kosovë”, ka shkruar Mushkolaj në përshkrimin e videos së publikuar.
Sabahudin Uka që ia ngriti përmendoren Albin Kurtin ka treguar edhe për idenë e tij të veçantë.
“Ideja na ka ardhur para tri viteve kur i ka fituar zgjedhjet e fundit. Nuk kemi ditur çka me bë, dhe na erdh ideja me bë një statujë para dyerve të oborrit. E, konsideroj si lider për momentin është ma i forti i Kosovës, ma të fortë se ai nuk ka”, ka thënë ai.
