Seancë
Në errësirë, Berisha nuk largohet nga foltorja, futet live në facebook
Edhe pse salla e Kuvendit është në errësirë, ish-kryeministri Sali Berisha së bashku me disa prej deputetëve të opozitës ka vendosur të qëndrojë në parlament mandje është futur live në rrjete sociale ku po përcjell mesazhet e tij.
“Kjo është dita e parë e betejës së opozitës”, tha Berisha.
Berisha shtoi se deputetët e opozitës do të luftojnë në parlament për qytetarët deri në rikthimin e votës së lirë.
@ballkani.info “Një grup gangsterësh fiken dritat”, Berisha mban fjalim në Kuvend në terr dhe akuzon Ramën #saliberisha #edirama #shqiperia #kuvendishqiperisë #terr #opozita ♬ original sound – Ballkani.info
“Si grup gangsterësh, fikën dritat dhe u larguan. Ata treguan se çfarë përfaqësojnë. Ju garantoj se në parlament do të zhvillohet një nga betejat. Kjo është dita e parë e betejës tonë, këtë betejë e kemi detyrë tonën. Kjo qeveri ka rekordet më të zeza në vjedhjen, varfërimin dhe mjerimin e shqiptarëve. Unë jam i bindur se qindra mijëra nga ju do donin të ishin brenda kësaj salle, por theksoj se sot gjer në rikthimin e votës së lirë, në parlament do luftojmë ne për ju.
Aty ku vdes parlamentarizmi ky institucion kthehet në vegël të verbër të kreut të krimit të organizuar shqiptar, Edi Ramës. Kjo betejë nuk është e lehtë, por është absolutisht detyra jonë për t’u kryer. Do mbrojmë interesat kombëtare aty ku shkelen Kosova sot ka një qeveri demokratike, ka një kryeministër ndaj të cilit nuk rëndon asnjë lloj akuze që rëndojnë ndaj Vuçiçit apo Ramës”, u shpreh ai.
