Kryetari i Vushtrri

Tre punëtorë shëndetësorë në mesin e tetë të prekurve të rinj nga koronavirusi në Vushtrri

Sonte në Vushtrri janë konfirmuar tetë raste të reja me coronavirus.

Kryetari Xhafer Tahiri thotë se të infektuarit e sotëm janë raste kontakti.

Ai thotë se pacienti që ka shkaktuar rastet është trajtuar ordinanca private dhe nuk është referuar me kohë në Klinikën Infektive.

“Pacienti ka frekuentuar së paku tri klinika private dhe asnjëra nga to nuk e ka referuar për testim për coronavirus, por në fund e ka referuar Qendra e Mjekësisë Familjare”, tha ai në Rtv Dukagjini.

Kryetari i Vushtrrisë thotë se nga këta të infektuar tre prej tyre janë personel shëndetësorë.

“Dy nga të infektuarit janë punëtorë shëndetësorë të sektorit publik dhe njëri nga sektori privat”.

Tahiri thotë se personat që kanë dalë pozitiv me COVID-19 janë në vetizolim dhe janë nën monitorim të rreptë të policisë, përcjell Telegrafi.

Ai ka thënë se mbyllja e qytetit apo fshatrave nuk është më opsion në këtë fazë.

I pari i Vushtrrisë ka treguar së tashmë në këtë komunë janë 31 raste aktive me coronavirus.

Tahiri u ka bërë thirrje qytetarëve të mos u afrohen personave që nuk kanë maska në mënyrë që të mos rrezikojnë infektimin.