Transferimi i Neymarit e largon Rodrygon nga Real Madridi

Ashtu si Barcelona edhe Real Madridi po tenton transferimin e Neymarit nga Paris Saint-Germianin në këtë afat kalimtar veror.

Los Blancos ka disa afate që po tentojnë transferimin e sulmuesit brazilian, mirëpo ofertat e tyre nuk po e bindin ende kampionin e Ligue 1.

Skuadra franceze po kërkon së paku 230 milionë euro shitja e 27-vjeçarit, mirëpo ka rënë në ujdi që t’i pranojë dy lojtarë dhe një shumë të parave.

Real Madridi ka ofruar Luka Modricin dhe para, mirëpo PSG po kërkon Raphael Varanen dhe Vinicius Juniorin si pjesë të marrëveshjes.

Tani madrilenët janë duke menduar që të ofrojnë dy lojtarë, mirëpo në listë nuk janë francezi dhe braziliani, që shihen si e ardhme e klubit.

Në rast se Neymari transferohet në “Santiago Bernabeu”, atëherë kjo do të thotë që në skuadër nuk ka vend për transferimin e kësaj vere, Rodrygo Goes.

Lojtari 18-vjeçar nuk shihet në planet e Zinedine Zidanes dhe aktualisht po stërvitet me skuadrën e dytë, e që me arritjen e bashkëkombësit të tij, ai do të largohet shkaku edhe që nuk është evropian dhe Mbretërit kanë kaluar numrin e lojtarëve që nuk janë nga kontinenti jonë.