Tragjike/ Nga frika e izolimit prej COVID-19 burri vret me thikë gruan dhe më pas veten
Një piktor dhe dekorues në pension, raportohet se ka goditur me thikë gruan duke e lënë të vdekur e më pas ka vrarë dhe veten gjatë izolimit nga koronavirusi.
Alan Smith, 71 vjeç, u gjet i vdekur së bashku me gruan, Elsie, 71 vjeç, në shtëpinë e tyre pranë Kembrixhit të Mërkurën e kaluar. Elsie u gjet me plagë me thikë në qafë dhe kokë ndërsa Smith u gjet i vdekur në shtrat.
Shkaku i vdekjes së Smith nuk u gjet, ndërsa Elsie nuk i ka mbijetuar plagëve që ka marrë në qafë dhe në kokë.
Fqinjët e çiftit u shprehën se Smith shpesh herë i shprehte atyre frikën që i kishte krijuar izolimi dhe se nuk arrinin të merrnin asgjë në supermarket sepse të gjitha ushqimet mbaroheshin kur shkonin ata.
Gjithashtu ai nuk mund të blinte dot as ilaçet e tij.
Fqinjët kanë treguar se Alan dhe e shoqja, ishin një çift simpatik dhe miqësor.