Tragjedia në Bavari, ky është i dyshuari për vrasjen e dy vëllezërve Lumi nga Suhareka

Fatos dhe Haki Lumi dy vëllezërit nga Suhareka kanë vdekur. Siç shkruan gazeta gjermane “Bild” ata dyshohet se janë vrarë nga 41-vjeçari Shpejtim G. i cili edhe tashmë gjendet nën prangat e policisë gjermane.

Gjithçka kishte ndodhur në një parking të një supermarketi në rajonin e Abensbergut në Bavari. Fatos Lumi ku kishte mbetur i vdekur në vend pas plagëve që kishte marrë nga të shtënat.

Ndërkohë i plagosur rëndë kishte mbetur vëllai i tij Haki Lumi, i cili ka ndërruar jetë në mëngjesin e sotëm. Një gjë të tillë për Gazetën Express e kanë konfirmuar edhe familjarë të vëllezërve Lumi.

Ndërkohë fqinjët e të ndjerëve në qytetin e Abensberg kanë thënë se vëllezërit tashmë të ndjerë kanë jetuar më parë së bashku në shtëpinë e të dyshuarve, dhe se kishin punuar bashkë me ta.

“Viktimat kanë jetuar në shtëpinë e të dyshuarve. Ishin punësuar prej tyre. Disa kohë më parë ata ishin shpërngulur, dhe kishin themeluar kompaninë e tyre. Më pas ata iu bënë konkurrentë”, ka thënë një fqinjë për BILD.

Lidhur me rastin është arrestuar edhe Petrit R., i cili më pas është liruar nga Policia gjermane.

Sipas informacioneve të Gazetës Express viktimat dhe i dyshuari për vrasjen kanë lidhje familjare mes vete.

loading…