Një fëmijë 1 vjeç e gjysmë ka vdekur sot si pasojë e një aksidenti që dyshohet të jetë shkaktuar nga babai i viktimës.

Siç bën të ditur Policia, ngjarja e rëndë ka ndodhur sot në Lagjen 28 në Fushë Kosovë, në oborrin e shtëpisë, rreth orës 16:00.

Lajmin për Gazetën Insajderi e ka konfirmuar zëdhënësi i Policisë për rajonin e Prishtinës, Agron Borovci.

Fëmija fillimisht ishte dërguar në QKUK, ku edhe është konstatuar vdekja e tij.

“Rreth orës 16:00, policia ka pranuar informatën se  fëmija i lënduar është dërguar në QKUK,  ku edhe  është konstatuar vdekja e tij. Viktima dyshohet të jetë aksidentuar në oborrin e shtëpisë në “Lagja 28″ në Fushë Kosovë. Aktuaisht policia po trajton rrethanat që karakterizojnë ngjarjen”.