Si çdo ditë tjetër, mediat serbe janë të mbushura përplot me lajme që shpërfaqin urrejtjen nga Kosovë dhe shqiptarëve.

Edhe në numrat e nesërm (e diel) të gazetave kryesore serbe, Kosova zë vend të madhe në ballina dhe në përmbajtje.

Vendosja e flamurit të Kosovës përkrah flamujve të shteteve fituese të Luftës së Parë Botërore, në katedralen Notre Dame në Paris, vazhdon të jetë lajm kryesor në Serbi.

“Kosova në mesin e fituesve të Luftës së Madhe?”, është titulli i gazetës “Vecernje Novosti”. Kjo gazetë “befasohet” se si flamuri ynë është vendosur aty, shkruan Ballkani.info.

“Skandal në katedralen parisiene Notre Dame”, është mbititulli i shkrimit, ndërda më poshtë thuhet se ngjarjen e kanë organizuar autoritetet kishtare.

E gazeta tjetër serbe “Alo” shkruan për kryetarin e Kuvendit të Kosovës, Kadri Veselin.

“Veseli me ushtri godet Serbinë”, është titulli i shkrimit për Veselin, ndërsa mbititulli është fyes “sorrat ia kanë pi trunin”.

Shkrimi ka të bëjë me intervistën e Veselit për gazetën kroate “Vecernji List” ku ai thotë se Ushtria e Kosovës do të bëhet dhe se kthim pas nuk ka.

Kjo gazetë po ashtu të dielën e boton edhe një intervistë me të ashtuquajturin shef i Zyrës për Kosovën, Marko Gjuriq. “Shqiptarët e kanë shkelut secilën marrëveshje”, thotë Gjuriq. /Ballkani.info/