Therje me thika në Pejë, lëndohen dy persona – njëri në gjendje të rëndë
Dy persona kanë pësuar lëndime nga një përleshje me thika që ka ndodhur mes tyre sot në lagjen “Fidanishte” në Pejë.
Lajmin për Telegrafin e ka konfirmuar zëdhënësi i policisë për rajonin e Pejës, Fadil Gashi.
“Rreth orës 14:45 policia ka pranuar informatën për një përleshje në mes të dy personave. Gjatë përleshjes janë përdorur edhe mjetet të mprehta dyshohet që thikë. Si pasojë dy personat e përfshirë në këtë përleshje kanë pësuar lëndime dhe janë duke u trajtuar në spital, dhe njëri prej tyre ka lëndime më të rënda”, tha Gashi.
Ai shtoi se policia ka dalë në vendin e ngjarjes dhe është duke u marrë me rastin.
