Thaçi kujton masakrën në Krushë të Madhe: Ende nuk ka drejtësi

Presidenti i vendit, Hashim Thaçi, kujtoi masakrën në Krushë të Madhe që ndodhi 21 vite më parë duke thënë se ende autorët nuk kanë dalë para drejtësisë.

Ai tha se për tri ditë me radhë forcat serbe vranë dhe masakruan qindra banorë të pafajshëm, duke shkaktuar plagë të pashërueshme deri më sot.

Postimi i plotë i Thaçit:

Në Krushë të Madhe, para 21 viteve, për tri ditë me radhë, forcat serbe vranë dhe masakruan qindra banorë të pafajshëm, duke shkaktuar plagë të pashërueshme deri më sot.

Edhe pas dy dekadash autorët e krimeve, tokës së djegur, masakrave gjithandej Kosovës, gjenocidit dhe dëbimit masiv të popullatës shqiptare, nuk u vunë para drejtësisë, as vendore as ndërkombëtare.

Krimi në Krushë të Madhe hyn në radhën e krimeve më të rënda të shtetit të Serbisë.