Teuta uron Adonisin për ditëlindje: Nuk ka askund tjetër në botë që dua të jem se sa pranë teje

Aktorja e njohur, Teuta Krasniqi, ditën e sotme (e enjte) ka një arsye më shumë për të festuar.

Kjo pasi këtë ditë kremton ditëlindjen bashkëshorti i saj, trajneri Adonis Morina, me të cilin është e martuar prej disa vitesh.

Artistja me këtë rast i ka bërë një dedikim në rrjete sociale duke i treguar se sa e lumtur dhe me fat është që ka një person të tillë në jetë.

“Dashuria ime, jeta ime, personi im i dashur, miku im i ngushtë, shpirti im binjak, partneri i jetës time, një dhe i vetmi, bashkëshorti im i mahnitshëm, urime ditëlindja ime shpirt”.

“Nuk ka askund tjetër në botë që preferoj të jem, sesa pranë jush, gjithmonë dhe përgjithmonë. Të dua”, kanë qenë fjalët e Krasniqit.

Urimet në pjesën e komenteve kanë qenë të shumta edhe nga miqtë e fansat që mban.

Adonisi dhe Teuta janë prindër të një vajze, gjersa aktorja ka edhe një vajzë nga martesa e mëparshme.