Superkupa e Kosovës në basketboll shtyhet për në dhjetor
Bordi i Federatës së Basketbollit të Kosovës (FBK) sot (e hëne) ka marrë vendim që shtyjë organizimin e Superkupës së Kosovës në konkurrencën e meshkujve.
Superkupa e Kosovës (Meshkujt) ishte paraparë të organizohet prej 9-13 Nëntor 2022, data në të cilat organizohet edhe FIBA Window (7-15 Nëntor 2022), në të cilat gara do të paraqitet kryetrajneri i Ylli, së bashku me lojtarin e të njëjtit ekip për Kombëtaren e Bosnje Hercegovinës, përcjell Demokracia.com.
Bordi i FBK-së ka vendosur që Superkupa e Kosovës të organizohet prej 7 deri më 11 Dhjetor 2022.
Konform kalendarëve të FIBA-s, Federata e Basketbollit të Kosovës duhet tu përshtatet garave të FIBA-s, andaj Bordi i FBK-së i ka miratuar edhe propozim – ndryshimet në kalendarin e garave të Superligës së Kosovës, për të cilat do të njoftohen të gjitha grupet e interesit.
Ky vendim hyn në fuqi në ditën e miratimit të tij.
