Stuhi të forta në Istog, nesër nuk ka mësim në shkollat e kësaj komune
Për shkak te motit të keq që po mbizotëron në Istog, nesër nuk do të mbahet mësim në institucionet arsimore të Komunës së Istogut, thuhet në njoftimin e Komunës.
Këtë e ka konfirmuar faqja e komunës në rrjetin social Facebook.
Kështu thuhet në komunikatë:
Njoftim
Të nderuar mësimdhënës, nxënës dhe prindër ju njoftojmë se nesër e enjte me 06.02.2020, nuk do të mbahet mësim në institucionet arsimore të Komunës së Istogut, si shkak i kushteve atmosferike të krijuara në komunën tonë, ku në pjesën me të madhe mungon furnizimi i rregullt me energji elektrike dhe si pasojë e kësaj gjendje është e pamundur mbajtja e mësimit të rregullt.
Dita e humbur do të kompensohet.
