Avokati serb
Stojkoviq: Vuçiqi s’e arreston kurrë Radoiçiqin, avokatin e tij e çoi në Rusi
Avokati serb Çedomir Stojkoviq tha se presidenti i Serbisë, Aleksandar Vuçiq, nuk do ta arrestojë kurrë Milan Radoiçiqin, i cili kishte pranuar se organizoi sulmin terrorist në Banjskë të Zveçanit ku u vra rreshteri i Policisë së Kosovës, Afrim Bunjaku.
Emisari i SHBA-së për Ballkanin Perëndimor, Gabriel Escobar së fundmi ka bërë thirrje për arrestimin e Radoiçiqit, i cili është në kërkim nga Interpoli dhe i sanksionuar nga SHBA-ja dhe Mbretëria e Bashkuar.
Stojkoviq tha se Vuçiqi jo vetëm që s’do ta arrestojë Radoiçiqin, porse avokatin e tij, Goran Petronieviqin, e ka dërguar si vëzhgues në zgjedhjet presidenciale në Rusi.
“Vuçiqi jo vetëm që s’do ta arrestojë Radoiçiqin, por e dërgon avokatin e tij dhe të vetin në Krime për të vëzhguar zgjedhjet e Putinit”, shkroi Stojkoviq në “X”.
Avokati i Radoiçiqit, por edhe i Vuçiqit, Goran Petronieviq, po merr pjesë si vëzhgues në rajonin e Krimesë.
Goran Petronijević, koji je juče ispred Srbije bio posmatrač Putinove šarade od izbora na Krimu, nije običan advokat, već je lični advokat Aleksandra Vučića iz vremena pre njegovog dolaska na vlast, njegov je kućni prijatelj, a sada je (negformalni) specijalni savetnik i… pic.twitter.com/qa91uQhhga
— Advokat Čedomir Stojković 🇺🇦🇮🇱 (@FIGHT_4_RIGHT_S) March 16, 2024