Arsenal e ka mbyllur me avantazh prej 2-1 pjesën e parë të takimit ndaj Manchester Cityt, derbi ky që po zhvillohet në kuadër të javës së gjashtë në elitën e futbollit anglez.

Ishin vendasit ata që kaluan të parët në avantazh përmes Erling Haaland në minutën e nëntë i cili realizoi për 1-0 pas asistimit të Savinhos.

🚨 LIVE

M a n C i t y 1️⃣🆚0️⃣ A r s e n a l

⚽️ H a a l a n d pic.twitter.com/QEik5SzuAZ

— Out Of Context Erling Haaland (@ErlingNoContext) September 22, 2024

‘Qytetarët’ ishin shumë afër golit të dytë më minutën e 15-të, por fatkeqësisht shtylla ia mohoi golin Ilkay Gundoganit.

Mysafirët ia dolën që të barazojnë shifrat në 1-1 në minutën e 22-të pas një super goli të shënuar nga Riccardo Calafiori për të cilin ishte i pari me fanellën e Arsenalit.

🚨🚨| GOAL: WHAT A GOAL FROM CALAFIORI!!!

Man City 1-1 Arsenal

pic.twitter.com/1wfROGSGgJ

— CentreGoals. (@centregoals) September 22, 2024

Në minutat shtesë të pjesës së parë, ishte Gabriel Magalhaes ai i cili ia doli që të shënojë me kokë për t’i dhënë epërsinë prej 2-1 ekipit të tij dhe duke kompletuar rikthimin.

Big Baddie Gabriel Magalhaes pic.twitter.com/oUyFvbmktz

— Gilles 🇳🇬🏴󠁧󠁢󠁥󠁮󠁧󠁿 (@_Grimanditweets) September 22, 2024

Pak sekonda para se gjyqtari të sinjalizonte për fundin e pjesës së parë, belgu Trossard mori kartonin e dytë të verdhë, duke lënë kështu ‘Topçinjtë’ me një lojtar më pak në fushë.

Duke pasur parasysh ritmin dhe intensitetin e 45 minutave të para, pritet që të ketë gola edhe gjatë pjesës së dytë.