S’ndalet Dritani, paralajmëron shkarkimin e presidentit Gjukanoviq
Zëvendëskryeministri shqiptar i Malit të Zi, Dritan Abazoviq ka paralajmëruar me shkarkim presidentin e këtij vendi, Millo Gjukanoviq.
Ky reagim erdhi pasi që presidenti malazez Gjukanoviç ktheu mbrapa Ligjin e Fesë i cili ishte miratuar në Kuvend me datë 29 dhjetor.
“Nëse ai shkel Kushtetutën, ne do ta zëvendësojmë atë!”, shkroi Abazoviq në Twitter.
Ky ligj, i cili shkaktoi pakënaqësi të Kishës Ortodokse Serbe (SOC) dhe opozitës së atëhershme të udhëhequr nga Fronti Demokratik (DF), hyri në fuqi në 8 janar 2020.
Ligji garantoi lirinë e plotë të fesë për të gjithë besimtarët dhe status të barabartë për të gjithë komunitetet fetare në Mal të Zi, si dhe lirinë e plotë të besimit për të gjithë qytetarët që nuk janë besimtarë.
