Futbollisti me prejardhje serbe i Austrisë, Marko Arnautovic, dyshohet se përdori fyerje raciste ndaj një futbollist shqiptar të Maqedonisë së Veriut në një ndeshje të Kampionatit Evropian 2020 të dielën.

Arnautovic shënoi në fitoren e Austrisë 3:1 kundër Maqedonisë së Veriut në ndeshjen e tyre hapëse në Grupin C në Euro 2020, por e humbi toruan gjatë festimit të golit dhe iu desh kapitenit të tij, David Alaba, ta qetësojë.

Katër futbollistë shqiptarë luajtën titullarë për Maqedoninë e Veriut në ndeshjen e saj debutuese në një turne të madh. Arijan Ademi, Visar Musliu, Ezgjan Alioski dhe Enis Bardhi ishin, ndërsa Ferhan Hasani dhe Egzon Bejtulahi u lanë në stol.

Besohet se Arnautovic, i lindur në Austri nga një baba serb dhe një nënë austriake, ishte inatosur me një ndërhyrje të Egzon Bejtulahit, të cilin e shau pasi shënoi gol.

U desh ndërhyrja e kapitenit David Alaba për ta qetësuar 32-vjeçarin gjatë festimit të tij fyes dhe racist.

Por çfarë u tha nga Arnautoviç pas irritimit të tij? Në Serbi japin versionin e tyre.

“Informer.rs“ zbulon fjalët e thëna nga goja e 32-vjeçarit dhe sipas tyre shkojnë të gjitha për Bejtullain e jo për Alioskin siç ishte përfolur.

“Të q*** mamanë shqiptare“, ishte fraza e turpshme e thënë nga Arnautoviç.

Sulmuesi i Shanghai Port në Superligën e Kinës erdhi nga stoli për ta shfrytëzuar një gabim në mbrojtjen e maqedonasve për ta shënuar golin që e vulosi fitoren e parë të austriakëve në Euro.