Eurodeputetja

Skandaloze: Eurodeputetja franceze propozon rezolutë për serbët e Kosovës pasi nuk u lejua referendumi

Një projekt-rezolutë për pozitën e serbëve në Kosovë është dërguar në Parlamentin Evropian nga eurodeputetja franceze, Dominique Bilde si dhe një anëtare e delegacionit të PE-së për marrëdhëniet me vendet e Ballkanit Perëndimor.

Ky veprim i saj, siç thotë ajo vjen pas refuzimit të mbajtjes së referendumit serb në Kosovë.

Madje ajo ka shprehur një qëndrim skandaloz në Twitter duke thënë se fati i serbëve të Kosovës po “përkeqësohet dita-ditës”.

Ajo shtoi se projekt-rezoluta përmban zgjidhje edhe për manastiret serbe që janë nën mbrojtjen e UNESCO-s.

Në draft-rezolutën e dorëzuar nga PE më 27 janar, ajo thekson se e propozon atë dokument duke marrë parasysh marrëveshjen ndërmjet Serbisë dhe Kosovës të 19 prillit 2013 për Asociacionin si dhe Marrëveshjen e Stabilizim-Asociimit me Kosovën e 27 tetorit 2015.

Sipas saj Rezoluta e Kuvendit të Kosovës e miratuar më 15 janar kundër referendumit është në kundërshtim me mendimin e përfaqësuesit të lartë të BE-së për Politikë të Jashtme, Joseph Borrell.

“Përfaqësuesi i Lartë inkurajohet të kërkojë krijimin e një Unioni të Komunave me shumicë serbe, të parashikuar në marrëveshjen e 19 prillit 2013, dhe të shqyrtojë një hetim për faktet e mësipërme”, tha Bilde, anëtare e partisë së Le Pen.