Shërbimi informativ

Skandalet publike të policisë sekrete serbe: Për BIA-n videoja e Miketiqit është më interesant se vrasja e Ivanoviqit, sulmi në Banjskë dhe lufta e klaneve në Serbi

Agjencia e Sigurisë dhe Informimit të Serbisë (BIA) është deklaruar lidhur me rastin e ish-deputetit Gjorgje Miketiq dhe videot shantazhuese, por me një deklaratë të turpshme në të cilën sulmojnë viktimën, në vend që të identifikojnë të dyshuarin për këtë vepër.

Ky është edhe një nga njoftimet e pakta të këtij shërbimi sekret gjatë viteve të fundit, ku as nuk është bërë e ditur problemi me emigrantët, konflikti i armatosur terrorist në Banjskë, madje as që njerëz nga radhët e këtij shërbimi rrahin njerëz, transmeton Ballkani.info.

BIA theu “heshtjen” e saj për herë të dytë në muajin e fundit, herën e parë kur drejtori i saj në atë kohë Aleksandar Vulin dha dorëheqjen dhe herën e dytë në lidhje me rastin e shantazhit të ish-deputetit Gjorgje Miketiq, nga një person anonim, kundër të cilit ka paraqitur një kallëzim penal, ka dërguar një video eksplicite të marrëdhënieve seksuale që dyshohet se e kanë përfshirë atë.

Në një deklaratë me atë rast, BIA në vend që të respektonte ligjin dhe të drejtat e viktimës, bëri atë që pritej, duke u përfshirë në mënyrë të turpshme në fushatën parazgjedhore.

“Menjëherë pas njoftimit të z. Gjorgje Miketiq për ekzistimin e fotografisë së tij eksplicite, Agjencia e Sigurisë dhe Informacionit, në kuadër të kompetencave të saj ligjore, nisi një hetim me atë rast. Mund të njoftojmë se ekspertët e Agjencisë së Sigurisë dhe Informacionit kanë konstatuar se është vetëm një fragment i një regjistrimi më të gjatë, krijimi i të cilit BIA nuk mban asnjë përgjegjësi”, thuhet në njoftimin për shtyp të shërbimit sekret serb.

BIA në fakt dukej se përcaktoi “të drejtën e autorit” të videos, jo kush ia dërgoi videon shantazhuese politikanit Miketiq, të cilit shërbimi sekret duket se nuk mund t’ia falë për qëndrim opozitar.

Dhe pyetja e vërtetë është, pse BIA, shërbimi që duhet të mbrojë shtetin dhe qytetarët e tij dhe që është në buxhetin e qytetarëve të Serbisë dhe jo partisë në pushtet, nuk u deklarua?

Së pari, me rastin e sulmit terrorist në Banjskë të Kosovës më 24 shtator, në të cilin u vranë tre serbë terrorist dhe një polic i Kosovës. Serbia më pas u kritikua nga opinioni ndërkombëtar, pozita negociuese e vendit u kërcënua dhe pozita tashmë e vështirë e serbëve në Kosovë u bë katastrofike.

“Ndërkohë që policia e Kosovës ka lëshuar deklaratë pas deklarate, video pas video, BIA ka qëndruar në heshtje të palëkundur dhe ia ka lënë komplet iniciativën palës tjetër. Fjala është për persona që kanë shkuar në Kosovë të armatosur, me pajisje dhe uniforma të plota dhe është tejet skandaloze që shërbimi sekret më i rëndësishëm në Serbi nuk e ka parë të arsyeshme të deklarohet. Fillimisht, publiku duhet të dijë nëse ka njohuri për këtë dhe nëse jo, si është e mundur. Ky shërbim nuk u deklarua as kur u vra politikani serb i Kosovës Oliver Ivanoviq. Ivanoviq u vra me gjashtë të shtëna me armë zjarri më 16 janar 2018 para selisë së Iniciativës Qytetare “Liri, Demokraci, Drejtësi (SDP)”, në pjesën veriore të Mitrovicës, ndërsa autorët e krimit nuk janë identifikuar ende”, shkruan media serbe N1 – Nova.

Dikur, për shkak të dyshimit se ai ishte i lidhur me vrasjen e Ivanoviqit, ishte lëshuar një urdhër arresti për nënkryetarin e atëhershëm të Listës Serbe, Milan Radoiçiq, por ai u tërhoq në mars të vitit 2021 pa shpjegim zyrtar.

Radoiçiq, meqë ra fjala, është edhe organizator i sulmit terrorist në Banjskë dhe ai ka qenë i mbrojtur në Serbi vitet e fundit.

Gjithashtu, nuk duhet harruar se, sipas bashkëpunëtorëve të tij të afërt, Ivanoviq ka raportuar kërcënime në BIA pak para vrasjes.

Një pjesëtar i BIA-s ka rrahur një burrë

Një tjetër rast, i ndodhur së fundmi, është shoqëruar me heshtje nga BIA.

Në tetor të këtij viti, Niksha Terziq, djali i drejtorit të KF “Crvena zvezda” Zvezdan Terziq, njëherazi punonjës i BIA-s, është arrestuar për shkak të lëndimeve të rënda fizike. Ai u arrestua së bashku me vëllain e tij Kostadin, si dhe pronarin e klubit të natës “Nana” Luka Kurtoviq, nën dyshimin se kanë rrahur për vdekje menaxherin e futbollit Urosh Jankoviq. Edhe vëllezërit Terziq e kanë rrahur viktimën me pistoleta.

BIA nuk ka komentuar mbi këtë skandal.

Po ashtu BIA nuk ka bërë të ditur arrestimin e agjentëve të saj që po siguronin pronën bujqësore “Jovanjica” ku sipas aktakuzës kultivohej marihuanë. BIA nuk u shpreh as pas dëshmisë së inspektorit Dushan Mitiq, i cili mori pjesë në aksionin për arrestimin e pronarit të “Jovanjicës”, Predrag Koluvija, i cili deklaroi se qëllimi i tyre ishte të shkonin deri në fund dhe të arrestonin drejtorin e atëhershëm të BIA-s, Bratislava Gashiq dhe shefin e qendrës dhe shërbimit të Beogradit, Mirko Shker.

Shërbimi sekret ka mbetur pas kur është arrestuar punonjësja e tyre Dushica Jovanoviq, e cila sipas aktakuzës ka qenë e lidhur me policin e arratisur malazez Ljubo Miloviq, së bashku me bashkëshortin e saj Danijel Jovanoviq, i cili punon në Drejtorinë e Policisë Kriminale të MPB-së serb. Çifti u akuzua se paratë e marra nga shitja e kokainës në Evropën Perëndimore i sillnin Serbisë dhe Malit të Zi. /Ballkani.info/

​