Situata e tensionuar në Lindjen e Mesme ka nisur të japë efektet e para në tregun e naftës, gjë që pritet të reflektohet edhe në Kosovë. Kryetari i Shoqatës së Naftarëve të Kosovës, Fadil Berjani, ka njoftuar se pasiguria në prodhim dhe transport po i shtyn çmimet globale lart.
Sipas tij, vëmendja kryesore është te Ngushtica e Hormuzit, pasi çdo bllokadë apo problem në atë rrugë strategjike përkthehet menjëherë në kosto më të larta për konsumatorët.
Berjani ka potencuar se tensionet gjeopolitike janë faktori kryesor që po dikton pasigurinë në furnizimin global.







