Një person nga Klina nuk iu përmbajt rregullave të karantinës, dhe për rrjedhojë u infektua me koronavirus.
Këtë e ka bërë të ditur kryetari i kësaj komune, Zenun Elezaj. Ai me anë të një postimi në Facebook tha se personi i prekur është nga fshati Bokshiq i kësaj komune.
I njëjti, e kishte vizituar motrën e tij në Gjakovë që kishte rezultuar pozitive me koronavirus disa ditë më parë.
Qytetarë të nderuar,
Në Laboratorin e Mikrobiologjisë Molekulare në IPSHPK janë testuar 7 qytetarë të Komunës së Klinës, ku për fat të keq 1 person ka rezultuar pozitiv me virus.
Personi prekur është nga fshati Bokshiq, kontakt i personit të konfirmuar si i prekur me corona virus nga qyteti i Gjakovës.
Sipas informacioneve që kemi kontakti ka rrjedhë nga vizita që e konfirmuara nga Bokshiqi i Klinës i ka bërë motrës së saj në Gjakovë, e cila ka dalë pozitive disa ditë më parë.
Ne lutemi për përmirësimin e shëndetit të tyre, por ajo që duhet të bëjmë është të rrisim kujdesin dhe të i respektojmë udhëzimet e mjekëve dhe vendimet e institucioneve, sepse rreziku për përhapje është i madh.
Shtabi Emergjent menjëherë do të filloj të hulumtoj kontaktet e mundshme që e infektuara ka pasur, të cilët do të udhëzohen në vetizolim dhe sipas nevoje do të iu bëhet edhe testimi.
Izolimi, masat mbrojtëse e higjiena janë vërtetuar si mundësia më e mirë për mposhtjen e këtij armiku të padukshëm.







