KRU Gjakova
Shteti ligjor: Njeriu i VV-së i arrestuar për trafikim me njerëz në Bullgari, kthehet në punë në KRU “Gjakova”
Mund të iu duket e pabesueshme, por është e vërtetë.
Hasan Krasniqit, njeriu i Vetëvendosjes që është bërë kryeshef në KRU “Gjakova”, është kthyer në vendin e tij të punës. Normalisht. Sikur të mos kishte ndodhur asgjë.
Kjo pavarësisht se i njëjti ishte arrestuar e mbajtur në burg për javë të tëra në Bullgari, si i dyshuar për trafikim me njerëz.
Sot ndërmarrja KRU “Gjakova” e ka shfuqizuar vendimin për pezullimin e Krasniqit, dhe ky i fundit e ka nisur punën.
Njoftimi pa ndërhyrje:
Bordi i Drejtorëve i KRU ”Gjakova” SH.A, në mbledhjen e jashtëzakonshme të mbajtur me datë; 06.04.2024, mori Vendim për shfuqizimin e Vendimit nr,975 dt.04.03.2024, mbi pezullimin e marrëdhënies së punës për Z. Hasan Krasniqi-Kryeshef Ekzekutiv i KRU “Gjakova” SH.A-Gjakovë.
Z. Hasan Krasniqi i sistemuar në vendin e punës si Kryeshef Ekzekutiv i KRU “Gjakova” SH.A-Gjakovë, është i obliguar që të paraqitet në punë nga dt.08.04.2024.
Me aprovimin e këtij vendimi nga Bordi i Drejtorëve Z. Hasan Krasniqi sot ka filluar punën e rregullt si Kryeshef Ekzekutiv pranë Kompanisë Rajonale të Ujësjellësit “Gjakova” SH.A.
Stafi i Ujësjellësit i uron mire se ardhje Kryeshefit suksese dhe mbarësi në punë!
