Christophe Dugarry
“Shqipëria, Kosova, Maqedonia e Veriut…., nuk kanë lidhje me kualifikimet për Euro 2024” – ish legjenda franceze i ashpër me vendet e vogla
Në një deklaratë për RMC, Christophe Dugarry , ish futbollist i njohur francez ka folur pas fitores së thellë të Francës ndaj Gjibraltarit me rezultat 14-0, ku në mes rreshtash e ka përmendur edhe Kosovën dhe Shqipërinë.
Fitorja e thellë e Francës ka bërë që ai të jetë kritikë ndaj kombëtareve më të vogla, që luajnë në kualifikime.
“Është një ndeshje që do të mbetet në libra, por që mbetet anekdotike. Është një rekord, por një rekord anekdotik. Më pas, unë ngul këmbë dhe nënshkruaj, të gjitha këto ndeshje ‘kikiriku’ nuk kanë asnjë dobi, janë për t’i lodhur djemtë, për të lënduar disa prej tyre”.
“Jam ngopur duke parë këso ndeshje ‘kikiriku’. E kam parë (Francë – Gjibraltar) sepse është puna ime, por ka shumë skuadra që nuk kanë lidhje me këto kualifikime në Kampionatin Evropian”.
“I shikoj ndeshje pas ndeshje shtete si Gjeorgjia, Estonia, Azerbajxhani, Mali i Zi, Lituania, Sllovenia, Kazakistani, San Marino, Moldavia, Shqipëria, Malta, Maqedonia e Veriut… Të gjitha këto skuadra janë të kota… Kosova, Andorra, Armenia . .. nuk duhet t’i shohim kurrë!”, deklaroi francezi.
Por ajo që thotë Dugarry nuk qëndron, pasi që Shqipëria dhe Sllovenia e kanë siguruar nga një biletë për Euro 2022./Telegrafi/
