Shpërthen skandali i policëve malazezë të lidhur kriminelët serbë, shfaqen fotot e torturimit të viktimave
Prej javësh policët në Mal të Zi po arrestojnë dhe kërkojnë kolegët e tyre që dyshohet se janë larguar nga vendi. Një numër i madh i pjesëtarëve të policisë malazeze janë arrestuar nën dyshimin se kanë bashkëpunuar me emra të njohur nga bota e krimit – liderin e klanit Kavaç, Radoj Zvicer, Veljko Belivuk, si dhe bosi i drogës në Serbi, Darko Shariq. Policët krijuan organizatën e tyre kriminale dhe me urdhër të “bosëve të mëdhenj” torturuan ata që u pengonin dhe fotografonin dhe i dërgonin të gjitha përmes aplikacionit Sky!
Ju paralajmërojmë se fotot që mund të shihni KËTU janë shqetësuese.
Kaosi në policinë malazeze vazhdon prej javësh. Nuk është një rast i izoluar që vetë anëtarë të autoriteteve janë vënë në shënjestër, por në bashkëpunim me Europolin dhe pas një sërë transkriptesh bisedash nga aplikacioni i koduar Sky, policia malazeze sulmoi një numër të madh kolegësh të tyre.
Gjithçka u përshkallëzua me arrestimin e Dejan Knezheviqit, ndihmësdrejtor i policisë për luftën kundër krimit të organizuar, i cili u vu në pranga më 22 mars.
Lajmi i fundit, i cili u shfaq në mediat malazeze, është se anëtarët e Departamentit për Mbështetje Speciale Operative të Administratës së Policisë, nën komandën e Mirko Banoviqit, Petar Lazoviqit, Predrag Jestroviqit, Jugosllav Raiçeviqit, Sllobodan Miçkoviqit, Ivan Gjokoviqit, Ivan Stamatoviqit, Zheljko Radunoviq, Drazhen Miranoviq, Sead Luboder, Vuk Shukoviq, Momo Mirkoviq, Mirko Gjukiq, Milorad Mitroviq dhe Neshko Jarediq morën pjesë në komunikimin me Sky me njerëz nga nëntoka, si dhe dërguan fotografi të njerëzve duke u torturuar.
Sky u përdor nga pothuajse të gjithë emrat e shquar të botës së krimit në Serbi dhe për shkak të tyre pas hekurave në Serbi përfunduan anëtarët e klanit Belivuk, si dhe Darko Shariq, ndaj të cilit po zhvillohet rasti i tretë në Gjykatën Speciale në Beograd.
Petar Lazoviq dhe Jugosllav Jugo – Raiçeviq biseduan me bosët e tyre nga grupet kriminale nga mjedisi kriminal dhe u dërguan atyre fotografi të njerëzve të torturuar.
Sipas korrespondencës së zhbllokuar të Sky, Lazoviq ka njoftuar për veprimet e tij Radoj Zvicer, Darko Shariq, Nikola Spasojeviq, anëtarë të organizatës kriminale të Shariqit, si dhe Veljko Belivuk dhe Marko Miljkoviq, njofton Libertas.
“Ky po më vdes, phi”, shkruhet në një nga mesazhet që Lazoviq i ka dërguar Zvicer-it, së bashku me foton e një burri të panjohur të gjunjëzuar në shtratin e spitalit.
Milan Vuçiniq, anëtar i grupit të Shariqit, i cili akuzohet për planifikimin e vrasjes së Nebojsha Joksoviqit, ishte në listën e emrave që morën mesazhe nga policët malazezë.
Jugosllav Raiçeviq, sipas Libertas-it, u mburr me rrahjen e atyre që i arrestoi dhe të gjitha këto ia dërgoi Milan Vuçiniqit.
Në fotot e publikuara shfaqen skena shqetësuese – të rinj të rrahur, të lidhur, me çanta mbi kokë, por edhe me armë në gojë.
Ky parim i torturës dhe fotografimit është bërë “popullor” tek kriminelët që kur përdornin aplikacionin Sky, duke menduar se ai është i kyçur dhe se askush nuk do të mund t’i marrë ato foto.
Megjithatë, pas deshifrimit të Sky, një numër i madh kriminelësh përfunduan pas hekurave. Tani nën sulm janë edhe policët e Malit të Zi.
Sipas raportimeve, detyra e ish-komandantit të policisë së Podgoricës, Ivan Stamatoviq, ishte, ndër të tjera, të torturonte anëtarët e klaneve kundërshtare dhe t’u jepte informacione të zhvatura shefave të tij.
