Forca e Sigurisë së Kosovës e ka shpërthyer njërin prej ortekëve në Brezovicë.
Ekipet e Forcës së Sigurisë sot e kanë shpërthyer ortekun tek Qafa e Luanit dhe Foleja e Shqiponjës, raporton Ballkani.info.
Rreziku nga ortekët e mundshëm kishte bërë që Agjencia për Mbrojtjen e Mjedisit të Kosovës të mbajë të mbyllur për turistët gjatë këtyre ditëve Qendrën e Skijimit në Brezovicë.
Kjo agjenci kishte kërkuar FSK-ja ta bëjë rrëshqitjen dhe largimin e dy ortekëve potenciale.
Pas një takimi me përfaqësuesit e KFOR-it dhe FSK-së për gjendjen aktuale në Brezovicë, kjo agjenci kishte dalë me një konkludim se 5 nga 7 pikat kritike për ortekët nuk paraqesin rrezik për vizitorë, kurse dy prej tyre ishin me rrezikshmëri të mesme.
Njëri prej tyre u detonua sot, kurse tjetri pritet të detonohet nesër. /Ballkani.info/








