Shpallen fituesit në 11 bashkitë e para, PS dominon me mbi 90%
Ka përfunduar në 11 Bashki procesi i numërimit të votave.
Kështu, PS ka arritur të marrë për herë të parë pas shumë kohësh bastionin e Partisë Demokratike, Bashkinë e Tropojës.
Përballë Byberi garonte vetëm kandidati i Bindjes Demokratike, Edison Hasanaj, i cili ka fituar vetëm 177 vota.
Ndërkohë që Rexhë Byberi ka fituar 3538 vota.
Kandidati i PS, Eduart Duro, ka fituar me 6304 vota në Bashkinë e Devollit përballë tre kandidatëve të tjerë, që ishin në garë.
Fezi Shaholli, i cili ka siguruar 648 vota, Ylli Cenkolli i FRD me 242 vota dhe Artur Korpollogu i “Shpresa për Ndryshim” me 341 vota.
Jorgo Goro është rizgjedhur për herë të tretë në Himarë me 4,209 vota. Goro kandidonte nën sigën e koalicionit Aleanca për Shqipërinë Evropiane.
Në Kolonjë është shpallur fitues Erion Isai i cili ka grumbulluar 4279 vota, ose 93.37% të votave të përgjithshme.
Luiza Mandi ka konfirmuar veten si kryetare e Bashkisë së Libohovës. Me numërimin e 12 kutive, Mandi mori 1275 vota, raporton opinion.al.
Shuaip Beqiri është rikonfirmuar si kryetar i Bashkisë së Konispolit, ku nga 17 kutitë e numëruar ka siguruar 3328 vota.
Kryetari i Bashkisë së Belshit e ka rikonfirmuar postin e tij. Nga 41 kutitë e numëruara, Arif Tafani ka siguruar 6377 vota.
Në Poliçan fitues u shpall kandidati i vetëm në garë Adriatik Zotkaj me 4681 vota.
Në Fushë Arrëz është konfirmuar Kandidati i Partisë Socialiste ka marrë gjithsej 2462 vota.
Memaliaj Kandidati i Partisë Socialiste për këtë bashki ka marrë gjithsej 4206 vota
Në Pustec, fiton kandidati i PS-së, Pali Kolefski me 645 vota diferencë përballë kandidatit Edmond Themelkos, që dorëzon bashkinë pas humbjes. Kandidati i PS-se mori 1505 vota, ndërsa Themelko 859.
