Shihni momentin se si deputeti i VV-së, Hekuran Murati e tërheqë dhunshëm Arben Gashin e LDK-së VIDEO
Deputeti i Lëvizjes Vetëvendosje, Hekuran Murati, është deklaruar situatës që u krijua në Kuvendin e Kosovës, me deputetët e LDK-së.
Murati tha nuk ka pasur përplasje fizike.
“Nuk ka ka pasur përplasje vetëm ndërhyra me i nda. Nuk pati përplasje ndërhyra për me i qetësua. Nuk ka pasur asnjë sulm fizik”, ka deklaruar Murati.
Mirëpo krejtësisht ndryshe e tregon videoja nga Kuvendi. Aty Murati shihet duke e tërheqë dhunshëm deputetin e LDK-së, Arben Gashin, shkruan Ballkani.info.
Murati tha se deputetët e LDK’së e kanë penguar deputeten e VV’së të flasë.
“Ka qenë një situatë e tensionuar ku deputetët e LDK-së kanë tentuar mos ta lejojnë të flasë deputeten Saranda Bogujevci”, ka thënë Murati.
Ndërkohë, seanca e Kuvendit të Kosovës është ndërprerë pasi deputetët janë shtyrë edhe fizikisht mes vete.
Kjo shihet edhe në një video të realizuar gjatë seancës së sotme.