Sezon rekord i turizmit në Ulqin

Sipas të dhënave të fundit, në datën 9 gusht kishte 59.529 turistë në Ulqin. Kjo është një rritje prej 30% në krahasim me të njejtën periudhë të vitit të kaluar.

“Shumica e turistëve kanë pasur akomodim privat”, thotë Fatmir Xheka, drejtor i Organizimit Turistik për Ulqin.

“Deri më 1 gusht, më shumë se një milion persona kanë kaluar së paku një natë në këtë qytet”

“Natyrisht këtë vit presim që numri të shkojë dy milionë. Kjo do të thotë se do të jetë vit rekord i turizmit në Ulqin”

Numri më i madh i turistëve vjen nga vendet e rajonit. Po ashtu këtë vit numri i turistëve të regjistruar është rritur. Kjo është për shkak të organizimit nga organet kompetente.

Gjithashtu është rritur pagesa e taksave si pasojë e organizimit më të mirë.