LDK

Selmanaj godet Kurtin: Shkurtpamës që historikisht ka qenë në anën e gabuar, kundër aleatëve

Deputeti i LDK-së, Driton Selmanaj ka thënë se aktualisht Kosova ndodhet në udhëkryq. Sipas tij, në njërën anë janë pozicionuar presidenti amerikan Joe Biden, kancelari Scholz, Macron dhe vendet e NATO-s e gjithë aleatët perëndimor, derisa në anën tjetër kryeministri Kurti.

Selmanaj në këtë postim i referohet Kurtit si person “shkurtpamës’ që historikisht ka qenë në anën e gabuar të historisë e që sipas tij “fatkeqësisht është kryeministër”.

Selmanaj duke numëruar një varg procesesh për të cilat thotë e Kurti ka qenë kundër, ka pyetur se “në cilën anë jeni ju sot”.

Reagimi i plotë:  

KOSOVA NË UDHËKRYQ!

Në njërën anë janë pozicionuar:

Presidenti dhe Administrata e SHBA-ve;

Kancelari i Gjermanisë;

Presidenti i Francës;

Të gjitha vendet e NATO-s dhe gjithë aleatët tanë perëndimor.

Kurse në anën tjetër është pozicionuar një person shkurtpamës që historikisht ka qenë në anën e gabuar të historisë së lavdishme të popullit shqiptarë të Kosovës, e ai fatkeqësisht sot është kryeministër i Kosovës.

Për kujtesën tuaj Albin Kurti ishte:

Kundër Marrëveshjes së Rambujesë,

Kundër Rezolutës 1244;

Kundër Protektoratit Ndërkombëtarë;

Kundër misionit të UNMIK-ut;

Kundër Negociatave të Vjenës;

Kundër Pakos Ahtisari;

Kundër Shpalljes së Pavarësisë së Kosovës;

Kundër Kushtetutës së Kosovës;

Kundër Eulex-it;

Kundër Negociatave në Bruksel;

Kundër çdo marrëveshje mes Republikës së Kosovës dhe Serbisë;

Kundër Asociacionit;

Kundër Demarkacionit me Malin e Zi (për pasojë 8 vite i lan qytetarët e Kosovës pa liberalizim të vizave);

Kundër MSA-as (Marrëveshja e parë dhe e vetme kontraktuale me Republikës sonë dhe BE-së);

Kundër sugjerimeve të aleatëve tanë për heqjen e taksës;

Kundër Marrëveshjes së Washingtonit;

Kundër sugjerimeve të miqëve të lirisë dhe pavarësisë së Kosovës dhe për pasojë sot jemi në ditën e 85 me  sanksione nga BE!

Pyetje e sinqertë për qytetarët e Kosovës, sidomos për ata që i dhanë 50% të votave këtij personi.

A e keni votuar për t’i forcuar aleancat dhe marrëdhëniet diplomatike me botën demokratike apo pët ta izoluar dhe sanksionuar Kosovën?

Unë kam bindjen që Kosova dhe qytetarët e saj janë në anën e perëndimit dhe NATO-s, aleancë tjetër nuk kemi.

Në cilën anë jeni ju, sot?!