Në një bisedë të drejtpërdrejtë, kancelari gjerman Olaf Scholz paralajmëroi presidentin rus Vladimir Putin që të mos përdorë armë biologjike ose kimike në Ukrainë, raporton Die Zeit.

Pretendimet e Rusisë se Ukraina po përdor armë të tilla ose se Shtetet e Bashkuara duan t’i përdorin ato “duken si një kërcënim i nënkuptuar që vetë Putini po e shqyrton përdorimin e armëve të tilla”, citon gazeta gjermane të ketë thënë Scholz.

“Prandaj, ishte e rëndësishme për mua personalisht t’i thoja atij, qartë dhe drejtpërdrejt: Kjo do të ishte e papranueshme dhe e pafalshme”, tha kancelari Scholz për Die Zeit.