SBASHK-u viziton shkollat që Kastrati do që t’i mbyllë me reformë

Kryetari i SBASHK-ut, Rrahman Jasharaj ka vizituar sot shkollat “Hasan Prishtina” në Busovatë, “Nuhi Berisha” Tuxhec, “Idriz Seferi” Strezoc dhe “7 Shtatori” të Krilevës, shkolla këto që kishte tentuar t’i mbyllë kryetari i Kamenicës, Qëndron Kastrati.

Në të gjitha këto takime mësimdhënësit, prindërit dhe nxënësit i janë shprehur se me unitet të shkëlqyer në mes të prindërve, mësimdhënësve dhe nxënësve, do t’i mbajnë të hapura këto vatra arsimore.

“Mësimdhënësit dhe prindërit e të katër shkollave të përmendura, janë zotuar se nxënësit gjegjësisht fëmijët e tyre do ta vazhdojnë mësimin në këto shkolla dhe nuk do t’i dërgojnë diku tjetër, e aq më pak në komunën që është dhjetëra kilometra larg prej tyre”, thuhet në njoftimin për media.

SBASHK-u publikisht i drejtohet kryetarit Kastrati dhe drejtoreshës së Arsimit të Kamenicës, që të shpërndajnë mjete shkollor dhe ditarë e mjete të tjera administrative edhe në këto shkolla, pasi tekstet shkollore janë botuar nga mjetet e buxhetit të Kosovës, për të cilat kanë kontribuar edhe banorët e Tuxhecit, Strezovocit, Krilevës, Busovatës.

loading…