“Sallamadi pa Qeveri” – Me veturë zyrtare të shtetit në vikend, bën edhe shkelje në komunikacion VIDEO
Një veturë me targa zyrtare 5Z 106 20, është filmuar sot gjatë ditës duke bërë një kundërvajtje në komunikacion në Rrugën e Kombit.
Përveç se vetura e shtetit po shfrytëzohet jashtë orarit të punës, jasht territorit të shtetit në ditë vikendi, vetura ka shkaktuar edhe kundërvajtje duke tejkaluar një automjet të rëndë në vijë të plotë, diku në Rrugën e Kombit në Shqipëri.
Nuk është hera e parë që veturat me targa zyrtare shfrytëzohen nga punëtorë të pandershëm për qëllime personale.
Në korrikun e këtij viti, ish-zv.ministri i Bujqësisë, Shukri Maxhuni, u shkarkua pikërisht për shkak të gjestit që kishte bërë duke ngritur këmbët përpjetë në makinë zyrtare.
