Salah testohet sërish për Covid-19, ky është rezultati

Mohamed Salah ka rezultuar pozitiv edhe në testin e dytë për Covid-19 dhe kështu do ta vazhdojë periudhën e karantinimit.

Sulmuesi i Liverpoolit doli së pari pozitiv me Covid-19 më 14 Nëntor edhe pse kishte dyshime mbi vërtetësinë e rezultateve.

Lajmi është konfirmuar nga Federata e futbollit të Egjiptit dhe tani nuk dihet nëse lojtari do të lejohet të kthehet në Angli dhe prezenca e tij në ndeshjen e Ligës së Kampionëve kundër Atalantës është vënë në dyshim serioz.