Senegali po feston ende triumfin e tij historik në Kupën e Kombeve Afrikane të arritur falë fitores në finale me penallti ndaj Egjiptit.
“Luanët e Teranga” priten si heronj në kthimin e tyre në shtëpi, me Koulibaly dhe Mane ndër yjet më të vlerësuar.
Sulmuesi i Liverpool-it jo vetëm që u kurorëzua kampion por mori një ovacion të veçantë për zemrën e tij të artë. 29-vjeçari në fakt ka pushtuar skenën për një gjest që tregoi edhe një herë bujarinë e tij të jashtëzakonshme…
Gjithçka buron nga dëshira e fortë për të mos harruar kurrë origjinën e varfër.
Episodi i fundit që e vërteton këtë ka ndodhur pikërisht me rastin e Kupës së Kombeve të Afrikës. Në fakt, Sadio Mane përfundoi në spital pas ndeshjes ndaj Cape Verde, për shkak të një goditjeje të pavullnetshme në kokë nga portieri kundërshtar.
I pashmangshëm transporti në spital për kontrollet rutinë, të cilat fatmirësisht dhanë rezultate negative. Përveç vizitës nga portieri i Kepi Verde, i shqetësuar dhe i gatshëm për të kërkuar falje, Mane pati mundësinë të takonte shumë tifozë që e njohën.
Sulmuesi gjeti edhe një familje në vështirësi të mëdha, duke ndjekur djalin e tij. Fëmija i goditur nga një motoçikletë ishte në gjendje shumë të rëndë për shkak të plagëve dhe disa kockave të thyera në të gjithë trupin. Prindërit nuk kishin mundësi të paguanin për kurimin dhe kështu Sadio Mané vendosi t’i ndihmonte, duke marrë përsipër të gjitha shpenzimet.
Një gazetar i televizionit kamerunian Equinoxetv mendoi për gjithçka dhe zbuloi: “Sadio, i cili ishte në këtë spital, e gjen këtë familje në krizë dhe i pyet se çfarë po ndodh. Ne ia sqarojmë situatën dhe ai u dha atyre 400,000 FCFA (rreth 600 euro). Besoj se këtë bekim e shpërbleu Zoti sot”. Prandaj vetëm duartrokitje për Sadio Mané dhe jo vetëm për çmimin e tij si lojtari më i mirë i turneut, por edhe për ndihmën e këtij djali që po përballet gjithashtu me një tronditje të rëndë.
Nga ana tjetër, nuk është çudi për këtë futbollist që me donacionet e tij ndërton shkolla, spitale dhe vepra të tjera bamirësie. Vetëm pak javë më parë ai kishte dhuruar bukurinë prej 41 mijë dollarësh për një organizatë shëndetësore afrikane për të kontribuar në luftën kundër koronavirusit në Senegal.







