Zyrtari i LDK-së
Rukiqi: Vetëvendosje po ik nga përgjegjësia në rastin e aferës së rezervave të shtetit
Zyrtari i LDK-së, Berat Rukiqi, përmes një postimi në Facebook, ka reaguar për konstituimin e Komisionit Hetimor për aferën e rezervave të shtetit.
“Sot, deputetët e pushtetit, me ngulm kanë refuzuar konstituimin e Komisionit Hetimor për aferën e rezervave shtetërore”, ka shkruar ai.
Rukiqi u shpreh se kjo aferë, në bazë të indikacioneve prek nivele të larta të pushtetit.
Ai tha se refuzimi për zbardhjen e përgjegjësisë politike në këtë aferë, është përpjekje për fshehje të keqmenaxhimit dhe krimit institucional.
Rukiqi tha në fund se ndryshe nuk mund të shpjegohet ikja nga përgjegjësia e deputetëve të Vetëvendosjes.
