Rritet numri i viktimave nga koronavirusi në Maqedoni

Ministria e Shëndetësisë në Maqedoninë e Veriut ka njoftuar se sot në Institutin për Shëndet Publik janë regjistruar 26 pacientë të shëruar: Shkup-1, Kumanovë-14, Prilep-4, Tetovë-3, Veles-4.

Në Klinikën për sëmundje infektive kanë ndërruar jetë tre pacientë, një pacientë nga Velesi (58) dhe dy nga Tetova (57) dhe (78).

Nga atje informojnë se në 24 orët e fundit janë bërë 426 teste për Covid-19, ndërsa 30 prej tyre kanë rezultuar pozitiv. Sipas qyteteve: Shkup-11, Kumanovë-2, Shtip-1, Prilep-3, Tetovë-6, Veles-5, Manastir-1, Ohër-1.

Numri i përgjithshëm i të diagnostikuar me Covid-19 në vendin tonë që nga fillimi i epidemisë ka arritur në 1 mijë e 792.