SPAK
Rrëzohet kërkesa e Berishës për përjashtimin e gjyqtares Gjoka
Është rrëzuar kërkesa e ish-kryeministrit Sali Berisha, i cili kërkonte përjashtimin e gjyqtares Irena Gjoka nga përjashtimi i çështjes së tij.
Burime bëjnë me dije se ka qenë gjyqtarja Flora Hajredini e cila ka rrëzuar kërkesën e ish-kryeministrit Berisha për përjashtimin e gjyqtare Gjoka.
Kujtojmë se pala e ish-kryeministrit Sali Berisha ka depozituar sot në GJKKO kërkesën për përjashtimin e gjyqtares Irena Gjoka nga gjykimi i kërkesës penale të paraqitur nga Prokuroria e Posaçme, me objekt marrjen në pyetje të ish-kreut të qeverisë.
Berisha ka deklaruar më herët se gjyqtarja Irena Gjoka, e cila ka dhënë vendimin për “kufizimin e lirisë” për të, ka bërë shkelje të kushtetutës dhe ndaj saj do të depozitohet padi.
