Debat
“Rrenc, rrenc, rrenc”: Eskalon debati mes Imer Mushkolajt dhe Dibran Hoxhës
Rezultatet në Maqedoninë e Veriut, kanë qenë shkak kur në një moment në Debat Plus, debati eskalon, për çka moderatori Ermal Panduri, kërkoi ‘kthimin e gjuhës së përshtatshme’.
Çka ndodhi?
Analisti pro VLEN dhe pro VV, Dibran Hoxha, në një moment, i tha Imer Mushkolajt që të mos e krahasojë Listën Serbe me VLEN-in.
Kjo qe arsyeja që Mushkolaj, ta quajë me dhjetëra herë Hoxhën ‘rrenc’.
“VLEN nuk është Lista Serbe, çfarë thirrje ka bo VLEN për me e sabotu shtetin e Maqedonisë së Veriut. Mos e krahaso”, tha Hoxha, derisa Mushkolaj ia kthen:
“Mos rrej, mos rrej, mos rrej, je kah rren publikisht, kush e përmendi Vuciqin, kush e përmendi Listën Serbe, rrenc, rrenc, rrenc”, tha Mushkolaj.
Hoxha: “Qetësohu se i ki do vjet”.
“Nuk ka rëndësi sa vjet i kom, mos rrej”, ia kthen Mushkolaj.
Mushkolajt, ‘ia ndihmon’ pak edhe gazetari Lirim Mehmetaj, duke thënë se Lista Serbe është e njëjtë me VLEN-in.
“Hipokrit, pse nuk të pengoi Taravari, kur thojshin për Bujar Osmanin ai punon për Serbinë, a të pengojke, hipokrit, mashtrues. Dje Taravari tha kjo është betejë mes albinizmit dhe vuçizmit, mirë e ka Imeri, mos rrej, hipokrit”, tha ai.
