Robert Berisha i vendos “kusht” Luana Vjollcës: Pa ardhur Luana në Kosovë, nuk shkoj në emisionin e saj
Luana Vjollca është rikthyer me emisionin e saj “Zemër Luana” në televizionin Klan.
E Robert Berisha, ka zbuluar arsyen pse nuk shkon në emisionin e saj.
Në emisionin e tij teksa lexonte pyetjet e ardhura në ‘Instagramin’ e tij, Roberti ka treguar edhe arsyen pse nuk ka qenë këto puntata dhe a do të jetë në vazhdim i ftuar tek Luana.
Ai vendosi një kusht për të marrë pjesë atje.
“Keni pyetur pse nuk po shkoj te emisioni i ri i Luana Vjollcës. Ajo është një moderatore shumë e mirë, një artiste shumë e mirë edhe emisionet i ka shumë të mira. Nuk mundem të shkoj kur unë tri herë kam qenë te ajo, ajo nuk del nëpër emisione. Nuk shkoj edhe kam bërë pauzë edhe nuk shkoj se të mirat duhet të kthehen. Tri herë kam qenë e katërta nuk u mbajt”, tha Roberti.
Ai gjithashtu shtoi se Luanës do i duhet të marrë pjesë në një emisionin në Kosovë, atëherë ai do të merrte pjesë në emisionin e saj.
“Pa ardhur Luana në Kosovë kudo jo te unë, le të shkojë nëpër emisione tjera, veç në Kosovë duhet me ardh, atëherë shkoj edhe unë”, përfundoi ai.
